बुलडाणा : चंद्रपूर येथील महाऔष्णिक पॉवर स्टेशन येथे कार्यरत असलेले CISF जवान कैलास नारायण कापरे यांचा टिप्परच्या धडकेत मृत्यू झाला. चंद्रपूर-नागपूर रस्त्यावरील उर्जा नगरच्या दिशेने काल सायंकाळी हा अपघात झाला.
कैलास कापरे हे मूळचे बुलढाणा जिल्ह्यातील जळगाव जामोद तालुक्यातील सुनगाव येथील रहिवासी होते. गेल्या काही वर्षांपासून ते ऑश्निक विद्युत केंद्रात सीआयएसएफ जवान म्हणून कार्यरत होते. काल सायंकाळी ते मोटारसायकलवरून लखमापूरकडे जात होते. दरम्यान, पाठीमागून भरधाव वेगाने येणाऱ्या एमएच ३४/एम-४१६२ क्रमांकाच्या टिप्परने त्यांच्या मोटरसायकलला धडक दिली. या अपघातात कैलास कापरे हे गंभीर जखमी झाले. त्याला कॅम्पसवासीयांनी जिल्हा सामान्य रुग्णालयात उपचारासाठी दाखल केले. मात्र उपचारादरम्यान कैलास कापरे यांचा मृत्यू झाला. पोलिसांनी टिप्पर चालकावर गुन्हा दाखल करून कारवाई सुरू केली आहे.
