रितेश टीलावत
ग्रामीण प्रतिनिधी तेल्हारा
तेल्हारा = अ.भा. कुणबी समाज मंडळ अकोला दरवर्षी अकोला जिल्ह्यातील कुणबी समाजातील दहावी व बारावीतील गुणवंत विद्यार्थ्यांचा तसेच विविध स्पर्धा परीक्षांमध्ये घवघवीत यशमिळवलेल्या विद्यार्थ्यांचा सत्कार करीत असते. ओम राजेश
बुरघाटे या बेलखेड येथील विद्यार्थ्याने दहावीच्या परीक्षेत घवघवीत यश मिळवल्याबद्दल नुकत्याच झालेल्या गुणवंत विद्यार्थ्यांच्या कौतुक सोहळ्यात अखिल भाषिक कुणबी समाज मंडळातर्फे ओम राजेश बुरघाटे याला सन्मानित करण्यात आले. ओम हा बेलखेड येथील प्रगतिशील शेतकरी व जगद्गुरु प्रबोधन मंडळ तेल्हाराचे सचिव राजेश बुरघाटे यांचा मुलगा असून ओमला अभ्यास व खेळाची आवड आहे. कर्मचारी भवन अकोला येथे संपन्न झालेल्या या कार्यक्रमाच्या अध्यक्ष स्थानी मंडळाचे अध्यक्ष महादेवराव कौसल होते तर प्रमुख मार्गदर्शक म्हणून डॉ. चंद्रशेखर बहाकर महाप्रशासक आणि शासकीय विश्वस्त मुंबई हे उपस्थित होते . यावेळी माजी आमदार नारायणराव गव्हाणकर, माजी आमदार ज्ञानदेवराव ठाकरे, अकोला अर्बन बँकेचे अध्यक्ष रामेश्वरजी फुंडकर, माजी जिल्हा परिषद अध्यक्ष सौ संध्या ताई वाघोडे ,सरकारी वकील फाटे साहेब, डॉक्टर सागर थोटे इत्यादी उपस्थित होते. कार्यक्रमाचे सूत्रसंचालन प्राध्यापक रवी हेलगे प्रास्ताविक महेंद्र कराळे तर आभार प्रदर्शन किशोर मोरोकार यांनी केले.कार्यक्रमाला अखिल भाषिक कुणबी समाज मंडळाचे संचालक, आजीवन सदस्य तसेच बहुसंख्य समाज बांधव उपस्थित होते.
