मोहन चव्हाण उपजिल्हा प्रतिनिधी बीड
बीड/केज दि: ०१ जून २०२४ राशन दुकानावर कारवाई न करण्यासाठी वीस हजार रुपयाची लाच घेताना केजचा कोतवाल एसीबीच्या जाळ्यात अडकला अशी बातमी प्रसारमाध्यमांमध्ये आली असून सर्वत्र सोशल मीडियावर याची एकच चर्चा सुरू आहे. तसेच केसचा तहसीलदार अभिजीत पाटील हा देखील यात आरोपी असून तो फरार झाला आहे. अशी चर्चा शुक्रवार रात्री सर्वत्र सुरू होती. ही कारवाई उस्मानाबाद/धाराशिव येथील पथकाने शुक्रवारी रात्री १०:०० वाजता केली अशी समजते. दरम्यान बीड जिल्ह्यातील लाचखोरीचे सत्र सुरूच आहे. एसीबीकडूनही कारवायांचा धडाका चालुच आहे. अभिजीत पाटील हा केजचा तहसीलदार आहे. मच्छिंद्र माने हा कोतवाल असून पाटील यांच्यासाठी वसुलीचे काम करतो. केज तालुक्यातील एका राशन दुकानदारावर कारवाई प्रस्तावित होती. ती न करण्यासाठी तहसीलदार पाटील यांनी २० हजार रुपयाची लाच मागितली होती? अशी माहिती मिळत आहे. हीच लाच कोतवाल माने यांनी स्वीकारली. परंतु तहसीलदार अभिजीत पाटील फरार झाल्याची चर्चा सुरू आहे. उस्मानाबाद धाराशिव येथील लाच लूजपत प्रतिबंधक पथकाने आठवड्यातील दुसरी कारवाई बीड जिल्ह्यात केली असंच म्हणावं लागेल.
