रितेश टीलावत
ग्रामीण प्रतिनिधी तेल्हारा
प्रभात किड्स स्कूलच्या १४ खेळाडूंनी जिल्हास्तरीय बास्केटबॉल स्पर्धेत उत्कृष्ट यश संपादन केल्याने त्यांची विभागीय स्पर्धेसाठी निवड झाली आहे. क्रीडा व युवक सेवा संचालनालय, पुणे अंतर्गत जिल्हा क्रीडा परिषद, जिल्हा क्रीडा संकुल व जिल्हा क्रीडा अधिकारी कार्यालय यांच्या संयुक्त विद्यमाने जिल्हास्तरीय बास्केटबॉल स्पर्धेचे आयोजन वसंत देसाई स्टेडीयम, करण्यात आले होते. या स्पर्धेत १४ वर्षाआतील मुलींमध्ये भक्ती डिक्कर, अदिती गवई, अपुर्वा मिटकरी, अवनी मोडक, आसावरी भटकर, भक्ती पाकधने, रुहल राठी, हितीशा तिवारी, तन्वी मेहेरे, राशी राऊत, अनन्या धनोकार, अव्हानी जाधव तर १४ वर्षाआतील मुलांमध्ये आदर्श दलाल व सौरभ इंगोले या सर्व विद्यार्थ्यांनी बास्केटबॉल स्पर्धेत यश प्राप्त केले. विजयी खेळाडूंना बास्केटबॉल प्रशिक्षक आशिष बेलोकार व माहेश्वरी आढे यांचे मार्गदर्शन लाभले. प्रभातच्या प्राचार्य वृषाली वाघमारे, उपप्राचार्य अर्चना बेलसरे, प्रभातचे क्रीडा विभागप्रमुख संतोष लोमटे यांच्यासह शिक्षक तथा शिक्षकेतर कर्मचार्यांनी विजयी खेळाडूंचे कौतुक केले.
