कोपरगांव : इंटर इंजिनिअरींग डीप्लोमा स्टुडंटस् स्पोर्टस् असोसिएशन (आयईडीएसएसए), महाराष्ट्र राज्य प्रायोजीत ई एक झोन विभागीय सामन्यांमध्ये संजीवनी के.बी.पी. पाॅलीटेक्निकच्या फुटबाॅल संघांने प्रतिस्पर्धी संघांवर दणदणीत विजय मिळवुन वर्चस्व सिध्द केले. आता हा संघ संजय घोडावत पाॅलीटेक्निक, हातकणंगले, जि. कोल्हापुर येथे घेण्यात येणाऱ्या राज्यस्तरीय स्पर्धां जिंकण्यासाठी जोरदार तयारी करीत आहे, अशी माहिती संजीवनी पाॅलीटेक्निकने दिली आहे. राक्षी ता. शेवगांव येथिल ढाकणे पाॅलीटेक्निक येथे विभागीय फुटबाॅल सामन्यांसाठी ई १ झोन मधिल विविध पाॅलीटेक्निक व डी. फार्मसी संस्थांमधिल एकुण १५ संघांनी सहभाग नोंदविला. यात संजीवनीचा कर्णधार निखिल पाटील याच्या नेतृत्वाखाली, महेश वाघ, उत्तम कुमार, स्मिथ भावसार, अथर्व वाघमारे, भावी चव्हाण, स्मीथ लवांदे, ओम मोरे, कुणाल शिंदे, आशिष साळुंखे, एम. डी. फैजानराजा, सिध्दार्थ वाके, राजन जाधव, चित्तरंजन कुमार व एम. डी. सैफुला यांनी सलग चार सामने एकतर्फी जिंकत अंतिम फेरीत प्रवेश केला. अंतिम सामन्यात गव्हर्नमेंट पाॅलीटेक्निक अहमदनगर संघाविरूध्द २- ० गोलने विजय संपादीत करत राज्य पातळीवर मजल मारली आहे. संजीवनी ग्रुप ऑफ इन्स्टिट्यूट्सचे अध्यक्ष नितीन कोल्हे, मॅनेजिंग ट्रस्टी अमित कोल्हे, विश्वस्त सुमित कोल्हे, जीमखाना प्रमुख डी. एन. सांगळे यांनी खेळाडूंचे अभिनंदन केले आहे.
