अटकळी येथील शेकडो मुस्लिम युवकांचा, वंचित बहुजन आघाडीत जाहीर प्रवेश
मारोती एडकेवार सर्कल प्रतिनिधी सगरोळी
सगरोळी: आगामी होऊ घातलेल्या नगरपरिषद निवडणुकीत उमेदवारांच्या प्रचार सभेदरम्यान देगलूर येथे वंचित बहुजन आघाडीची जाहीर सभा पार पडलीसोशल व लोकशाही परिवर्तनाच्या विचाराने प्रेरित होत अटकळी व परिसरातील शेकडो मुस्लिम युवकांनी राज्य उपाध्यक्ष फारूक अहमद साहेब यांच्या प्रमुख उपस्थितीत एकत्रितपणे वंचित बहुजन आघाडीत प्रवेश करून मोठा राजकीय भूकंप घडवून आणला आहे. या प्रवेशामुळे आगामी स्थानिक निवडणुका व राजकीय घडामोडींच्या पार्श्वभूमीवर अटकळी क्षेत्रातील समीकरणे बदलण्याची चिन्हे स्पष्टपणे दिसू लागली आहेत.या प्रवेशात अटकळी येथील मोईन शेख, मस्तान शेख, शेख गणी यांच्यासह विविध मोहल्ल्यांतील, विविध व्यवसायांतून येणाऱ्या शेकडो युवकांचा सहभाग होता. युवकांनी एकमुखाने सांगितले की, “आम्ही वंचित बहुजन आघाडीच्या विचारधारेवर विश्वास ठेवून समाजातील अन्याय, भेदभाव आणि विषमता दूर करण्यासाठी संघटीतपणे काम करणार आहोत.”राज्य उपाध्यक्ष फारूक अहमद साहेब यांनी युवकांचे स्वागत करताना सांगितले की, “आज अटकळीतील युवकांच्या या सामूहिक प्रवेशामुळे पक्षाला नवे बळ मिळाले आहे. येणाऱ्या काळात हे युवक परिवर्तनाच्या लढ्यात महत्त्वाची भूमिका बजावणार आहेत.”जिल्हा महासचिव श्याम कांबळे यांनीही नव्या कार्यकर्त्यांना शुभेच्छा देत संघटन विस्ताराची दिशा अधोरेखित केली.कार्यक्रमाच्या शेवटी नव्या कार्यकर्त्यांना पक्षाचे झेंडे, साहित्य देऊन त्यांच्या कामाचा शुभारंभ करण्यात आला. अटकळीतील या सामूहिक प्रवेशामुळे वंचित बहुजन आघाडीची ताकद मोठ्या प्रमाणात वाढली असून, स्थानिक राजकीय वातावरणात नवीन ऊर्जा निर्माण झाल्याची भावना व्यक्त करण्यात आली.अटकळीतील हा कार्यक्रम परिसरातील जनतेच्या मोठ्या चर्चेचा विषय ठरला आहे.
