गोपाळकुमार कळसकर
तालुका प्रतिनिधी, भुसावळ
भुसावळ : मुक्ताईनगर येथील आदर्श इंग्लिश मीडियम स्कूलचा विद्यार्थी हिमांशु प्रशांत भालशंकर याची लखनऊ (उत्तर प्रदेश) येथे होणाऱ्या राष्ट्रीय स्पर्धेसाठी ४ x१०० मिटर रिले स्पर्धे साठी निवड करण्यात आली आहे. नुकत्याच डेरवण तालुका चिपळूण जिल्हा रत्नागिरी येथे संपन्न झालेल्या राज्यस्तरीय शालेय मैदानी स्पर्धेमध्ये त्याची निवड करण्यात आली. त्याच्या या यशाबद्दल बद्दल संस्थेचे अध्यक्ष ॲड. संतोष कुमार टावरी, उपाध्यक्ष मंदाताई खडसे, सचिव डॉक्टर रवींद्र पाटील, कोषाध्यक्ष वसंत तळेले, नारायण चौधरी, बाळकृष्ण राणे, मुख्याध्यापक नितीन पवार, मुख्याध्यापिका सरला पाटील, पर्यवेक्षक लिना रडे, क्रीडा शिक्षक मनीष चौधरी, संजय राणे, प्रफुल्ल मुंगे ,शिक्षक शिक्षकेतर कर्मचारी यांनी अभिनंदन केले आहे. मुक्ताईनगर येथील सामाजिक कार्यकर्ते प्रशांत भालशंकर यांचा मुलगा आहे. तसेच आयुध निर्माणी वरणगाव येथील कामगार युनियन चे अध्यक्ष विशाल भालशंकर यांचे ते पुतणे आहेत. हिमांशूच्या यशाबद्दल त्याचे सर्वत्र कौतुक होत आहे .
