नेवजाबाई हितकारिणी कन्या विद्यालयात मतदान जनजागृतीसाठी निबंध स्पर्धेचे आयोजन
संजय लांबेतालुका प्रतिनिधी ब्रम्हपुरी
नेवजाबाई हितकारिणी कन्या विद्यालयात विद्यार्थ्यांमध्ये मतदानाविषयी जागरूकता वाढवण्यासाठी निबंध स्पर्धेचे आयोजन करण्यात आले. या स्पर्धेत विविध वर्गातील विद्यार्थ्यांनी स्थानिक स्वराज्य संस्था निवडणूक २०२५ या विषयावर आपले मत निबंध स्पर्धेच्या माध्यमातून मांडले. या प्रसंगी बोलताना शाळेच्या मुख्याध्यापीक मॅडम विद्यार्थ्यांना सांगितले की, मतदान हा प्रत्येक नागरिकाचा महत्त्वाचा अधिकार आहे आणि याबाबत युवा पिढीला सजग करणे अत्यंत आवश्यक आहे. विद्यार्थ्यांनी शब्दशक्तीचा प्रभावी वापर करून आपले विचार निबंधामधून व्यक्त करावे असे मार्गदर्शन केले. स्पर्धेत सहभागी झालेल्या विद्यार्थ्यांनी उत्साहाने आपली मते मांडली आणि या उपक्रमामुळे शाळेत विद्यार्थ्यांमध्ये जागरूकता, सामाजिक जबाबदारी आणि नागरिकत्वाची जाणीव वाढली असून, शाळेतील सर्व शिक्षक आणि विद्यार्थी या उपक्रमासाठी उत्साही असल्याचे दिसून आले. सदर कार्यक्रम निवडणुक निर्णय अधिकारी श्री मासाळ साहेब व सहायक निवडणुक निर्णय अधिकारी सौ डॉ माधुरी सलामे व अतिरीक्त निवडणुक निर्णय अधिकारी श्रीमती लिना बोबाटे यांच्या मार्गदर्शनात पार पडला.
