मिलिंद कांबळे
तालुका प्रतिनिधी कीनवट
कीनवट : सारखणी येथील परिषद उच्च प्राथमिक शाळा येथे संविधान दिनाचे औचित्य साधून विविध कार्यक्रम संपन्न झाले, सर्वप्रथम भारतीय राज्यघटने शिल्पकार भारतरत्न, डॉ.बाबासाहेब आंबेडकर यांच्या प्रतिमेचे पूजन करून अभिवादन करण्यात आले व संविधाना च्या प्रास्ताविकेचे वाचन करण्यात आले. जगामधील सर्वात मोठा लोकशाहीचा देश म्हणून भारताचे गुणगान सर्व जगात आहे आणि या संविधानामुळे प्रत्येक भारतीय कसा सुरक्षित आहे याबद्दल विद्यार्थ्यांना सविस्तर माहिती देण्यात आली. पत्रकार श्री मिलिंद कांबळे ,सिद्धार्थ मुनेश्वर व श्री त्र्यंबक पूनवटकर यांनी बाबासाहेबांच्या जीवन चरित्रावर प्रकाश टाकून डॉ बाबासाहेब आंबेडकर यांचे संविधान निर्मिती मध्ये खूप मोठे योगदान आहे या बद्दल विद्यार्थ्यांना सविस्तर अशी माहिती दिली. त्यानंतर गावाच्या प्रमुख मार्गाने विद्यार्थ्यांची संविधान रॅली काढण्यात आली या संविधान रॅलीमध्ये संविधानाचे मूलभूत तत्व समानता, बंधुता, स्वातंत्र्य, संविधानातील महत्त्वपूर्ण कलमे या विषयी हाता मध्ये फलके घेऊन ‘हर घर संविधान,घर घर संविधान’ घोषणा देण्यात आल्या. संविधान दिनाच्या दिवशी शाळेमध्ये चित्रकला स्पर्धा, व्याख्यान स्पर्धा मानवी साखळी अशा विविध कार्यक्रमांचे आयोजन करण्यात आले.
सदर कार्यक्रमाला गावातील प्रतिष्ठित नागरिक, शाळा व्यवस्थापन समिती अध्यक्ष व सदस्य ग्रामपंचायत सदस्य तसेच ग्रामस्थ मोठ्या संख्येने उपस्थित होते कार्यक्रमाचे सूत्रसंचालन सारखणी शाळेतील शिक्षक श्री प्रमोद कांबळे यांनी केले. तसेच कार्यक्रमा उपस्थित झाल्याबद्दल सर्वांचे शाळेच्या वतीने आभार शाळेचे मुख्याध्यापक सन्मा. श्री भास्करवार सर यांनी केले. सदर कार्यक्रम यशस्वी होण्या करता श्री विनायक कुडमते,श्री पुनाराम जाधव,श्री भाऊराव उमरे,
श्री प्रवीण पिल्लेवार,श्री शरद वानखेडे ,श्री नरेंद्र कळंभे,
श्रीम.लता ठककुरवार,श्रीम.विशाखा किन्नरवाड यांनी नियोजन केले.या कार्यक्रमा करीता विद्यार्थी व पालक गावातील समाज बांधव मोठ्या संख्येने सहभागी झाले होते,
