रवि राठोड ग्रामीण प्रतिनिधी वाकान
महागांव ः तालुक्यातील काळी दौ.येथिल बसस्थानकावर असलेल्या कापसाच्या गोडाऊनला शार्ट सर्किटमुळे आग लागल्याची घटना दिनांक १० फेब्रुवारी सोमवार रोजी दुपारी दिड वाजताच्या सुमारास घडली. या आगीमुळे ३५ क्विंटल कापुस जळुन खाक झाला.प्राप्त माहितीनुसार काळी दौ.येथील व्यापारी प्रकाश विठ्ठल मेथेकर यांची काळी दौ बसस्थानकावर ओम ट्रेडर्स दुकान आहे,या दुकानात जवळपास ९० क्विंटल कापुस होता,सोमवारी दुपारी शार्ट सर्किटमुळे दुकानाला आग लागली,व काही वेळेतच आगीने रौद्ररूप धारण केले.येथील नागरिकांनी घटनेची माहिती अग्निशमन दलाच्या विभागाला दिली,सदर आगीवर नियंत्रण मिळविण्यासाठी पुसद नगरपरिषदेचे अग्निशमन दल घटनास्थळी पोहोचले अग्निशमन दलाच्या पथकाने अथक परिश्रम घेऊन आगीवर नियंत्रण मिळविले,तो पर्यंत गोडाऊन मधिल ३५ क्विंटल कापुस जळुन खाक झाला होता व उर्वरित कापूस पाण्यात भिजल्याने खराब झाला या घटनेत काळी दौ येथील व्यापारी प्रकाश मेथेकर यांचे २ लाख २० हजार रुपयांचे आर्थिक नुकसान झाले आहे
