सुमेध दामधर ग्रामीण प्रतिनिधी संग्रामपूर
सोनाळा :- जळगाव जामोद विधानसभा मतदारसंघातील वंचित बहुजन आघाडीचे अधिकृत उमेदवार डॉ. प्रवीण पाटील यांनी श्री सखाराम महाराज संस्थान ईलोरा येथे नारळ फोडून पाच नोव्हेंबर रोजी सकाळी दहा वाजता आपल्या निवडणूक प्रचाराचा श्री गणेशा केला आहे. श्री सुपोजी महाराज संस्थान पळशी सुपो, महासिद्ध महाराज संस्थान धानोरा, विर फौलाच्या दर्गा जामोद, आवजी सिद्ध महाराज सुनगाव, नंतर श्री सोनाजी महाराज संस्थान सोनाळा येथे त्यांनी त्यांच्या कार्यकर्त्यांसोबत आले असता सोनाळ्यात प्रचंड असा उत्स्फूर्त प्रतिसाद संत नगरीत पहावयास मिळाला. डॉ.बाबासाहेब आंबेडकरांना पुष्पगुच्छ अर्पण करून वंदन करून त्यांचा जयघोश करण्यात आला. भव्य अशी एक रॅली चे आयोजन करण्यात आले. यावेळी सोनाळा गावातील शहर अध्यक्ष अक्षय वानखडे, जेष्ठ श्रेष्ठ कार्यकर्ता भीमरावजी कांबळे, तरुण तडफदार कार्यकर्ता रवि पहुरकर , विलास दामोदर , सह गावातील आंबेडकरी जनता वंचित चे कार्यकर्ते, ज्येष्ठ नागरिक, पुरुष, महिला व युवक कार्यकर्ते मोठ्या संख्येने हजर होते. त्यानंतर त्यांनी पुढील नियोजन असलेल्या गावी प्रचार दौरा सुरू केला. नंतर आई जगदंबा संस्थान वानखेड अशा विविध ठिकाणी भेटी देत मतदार संघातील आराध्य दैवत यांचा शुभ आशीर्वाद घेऊन निवडणूक प्रचाराच्या रन धुमाळीला वंचित बहुजन आघाडी कडून धडाकेबाज सुरुवात करण्यात आली आहे. यानंतर दुपारच्या सत्रामध्ये पातूर्डा येथील भारतरत्न डॉ. बाबासाहेब आंबेडकर यांच्या पदस्पर्शाने पावन झालेल्या विहिरीवर बाबासाहेबांना अभिवादन करून संतनगरी शेगाव येथे सायंकाळी सात वाजता या निवडणूक प्रचार कार्यक्रमाची सांगता करण्यात आली. याप्रसंगी डॉ. प्रवीण पाटील यांच्यासह वंचित बहुजन आघाडीचे पदाधिकारी कार्यकर्ते तसेच जळगाव जामोद विधानसभा मतदारसंघातील नागरिक मोठ्या संख्येने उपस्थित होते.
