सुरेश नारायणे तालुका प्रतिनिधी, नांदगाव
नांदगाव: मनमाड नांदगाव महामार्गावर मनमाड नजीक असलेल्या हिसवळ जवळ एका ट्रक चालकांनी जवळपास 45 ते 50 मेंढ्या चिरडल्या व तिथून गाडी घेऊन धूम ठोकली स्थानिक नागरिकांनी तात्काळ मनमाड पोलीस ठाण्यात फोन केला पोलीस व स्थानिक नागरिकांनी मनमाड चौफुली येथे ट्रक पकडला व त्याला पोलीस ठाण्यात घेऊन गेले याबाबत सविस्तर माहिती अशी की मनमाड नांदगाव महामार्गावर हिसवळ येथे मेंढपाळाच्या जवळपास 45 ते 50 मेंढ्या एका ट्रकने चिरडल्या व तिथून धूम ठोकली स्थानिक नागरिक दत्तू पवार व इतर नागरिकांनी तात्काळ घटनास्थळी धाव घेतली आणि ट्रक चालकाबाबत मनमाड पोलीस ठाण्यात माहिती दिली काही तरुण ट्रक मागे पाठलाग करत आले व मनमाड पोलीसांनी तात्काळ दखल घेऊन मालेगाव चौफुली येथे ट्रक पकडला.या घटनेची सर्वत्र हळहळ व्यक्त करण्यात येत असून गरीब मेंढपाळाला न्याय मिळवून द्यावा अशी मागणी करण्यात येत आहे.
