सुरेश नारायणे तालुका प्रतिनिधी, नांदगाव
नांदगाव: पिंपरखेड येथील कै. पुंडलिक पांडुरंग मवाळ विद्यालयात महाराष्ट्राचे आराध्य दैवत छत्रपती शिवाजी महाराज यांची जयंती मोठ्या उत्साहात साजरी करण्यात आली.या प्रसंगी अध्यक्षस्थानी शालेय व्यवस्थापन समितीचे अध्यक्ष मा. अनिल बोरसे तर प्रमुख अतिथी म्हणून के. टी. एच. एम. महाविद्यालयाचे भाऊसाहेब मा. संजय मवाळ उपस्थित होते.सुरूवातीस छत्रपती शिवाजी महाराज यांच्या पुतळ्यास पाहुण्यांच्या हस्ते पुष्पहार अर्पण करण्यात आला तसेच सर्वांच्या उपस्थितीत छत्रपती शिवाजी महाराजांची आरती घेण्यात आली. प्रसंगी ५ वी ते १० वी च्या विद्यार्थ्यांनी मनोगत व्यक्त करताना छत्रपती शिवाजी महाराजांबद्दल आपल्या विचारातून आदरभाव व्यक्त केला. कार्यक्रमास विद्यालयाचे मुख्याध्यापक मा. काशिनाथ गवळी सर, उपशिक्षक संजय कांदळकर,श्रीमती अलका शिंदे, कैलास पठाडे, लक्ष्मण जाधव, उत्तम सोनवणे, संदीप मवाळ, आबा सोनवणे, ग्रामस्थ मधुकर घोटेकर, नाना तांदळे, दादा जाधव, मुरली आहेर आदी उपस्थित होते.कार्यक्रमाचे सुत्रसंचालन संजय कांदळकर यांनी केले तर आभार उत्तम सोनवणे यांनी मानले.
