विजयकुमार गायकवाड
तालुका प्रतिनिधी इंदापूर
इंदापूर:अतीशय सामान्य कुटुंबातील खडतर प्रवास करत सोलापूर जिल्ह्यातील करमाळा तालुक्यातील कात्रज या गावातील दिग्दर्शक लेखक पंकज पांडुरंग यादव यांनी जिद्द व मेहनतीच्या जोरावर बॉलिवूड चित्रपट सृष्टीमध्ये पदार्पण केले
शांतालाहा बॉलिवूड चित्रपट संपूर्ण भारत देशामध्ये हिंदी,मराठी,तेलगु,तमिळ,कन्नड,मल्याळम या पाच भाषेमध्ये 15 डिसेंबर रोजी प्रदर्शित होणार असुन मराठी भाषेतील संवाद हे पंकज यादव यांनी लिहिले आहेत. 11 डिसेंबर रोजी मुंबई, अंधेरी या ठिकाणी चित्रपटाचे ट्रेलर व गाणे रिलीज करण्याचा कार्यक्रम आयोजित केला होता.या कार्यक्रमात हिंदी चित्रपट सृष्टीतील नामवंत दिग्दर्शक महेश भट्ट हे प्रमुख पाहुणे म्हणून उपस्थित होते.दिग्दर्शक महेश भट्ट यांनी सर्व भाषेतील ट्रेलर पाहिल्यावर या संपूर्ण सोहळ्यामध्ये त्यांना मराठी भाषेतील ट्रेलर त्यांना खुप अवडला असे सांगितले व त्यांनी पंकज यादव यांच्या लिखाणाचे भरभरून कौतुक केले.
दिग्दर्शक लेखक पंकज यादव हे सध्या मालिका दिग्दर्शन क्षेत्रात कार्यरत आहेत. सध्या ते क्राईम पेट्रोल या मालिकेला सह दिग्दर्शक म्हणून काम करत आहेत. त्यांनी अत्ता पर्यंत मन उडु उडु झाल, जर जय स्वामी समर्थ, सावधान इंडिया, सुंदरा मना मध्ये भरली,क्रिमिनल्स,क्राईम अलर्ट अशा विविध मालिकांना सहाय्यक व सह दिग्दर्शक म्हणून काम केले आहे.आधारवड, बापाच्या लग्नाला विग्न हजार, या मराठी चित्रपटांना व प्लेज टु प्रोजेक्ट या हिंदी चित्रपटाला त्यांनी सह दिग्दर्शक म्हणून काम केले आहे. वेस्टन,हत्या की आत्महत्या, वेळ या लघुपटाचे त्यांनी दिग्दर्शन व लेखन केले असुन वेस्टन या लघुपटाचे “पुणे इंटरनॅशनल शॉर्ट फिल्म फेस्टिवल साठी सिलेक्शन झाले आहे. महाराष्ट्रातील गुन्हेगारी क्षेत्रावर आधारित “कलम-302 या वेब सिरीज चे लेखन व दिग्दर्शन ही केले आहे. करोणा काळा मध्ये कोरोणा बद्दल लोकांचे खुप गैर समज होते ते गैरसमज दूर करण्यासाठी त्यांनी विविध व्हिडिओ बनवले होते त्याची दखल हाय रेंज वल्ड बुक ऑफ रेकॉर्ड ने दखल घेऊन त्यांना सन्मानित केले.
