अयनुद्दीन सोलंकी
तालुका प्रतिनिधी, घाटंजी
घाटंजी : घाटंजी तालुक्यातील मुर्ली येथील शिक्षण प्रसारक मंडळाच्या शेतात (जागेवर) जुगार खेळतांना संशयीत आरोपी प्रविण दोनाळकर (57) रा. नेहरु नगर घाटंजी, दिनेश खांडरे (42) रा. राम मंदीर घाटंजी, अनिल कापसे (49) रा. नेहरु नगर घाटंजी, सुभाष कणाके (45) रा. ईस्तारी नगर घाटंजी, मंदार भुसारी (38) रा. नेहरु नगर घाटंजी, अरुण हेडाउ (58) रा. ईस्तारी नगर घाटंजी, विलास करपे (59) जेसीस काॅलनी घाटंजी, कीरण सोनडवले (44) ईस्तारी नगर घाटंजी, स्वरुप नव्हाते (52) रा. शिवाजी वार्ड घाटंजी आदीं 9 आरोपी विरुद्ध घाटंजी पोलीस स्टेशनचे पोलीस उप निरीक्षक नागेश अंबादास खाडे यांच्या फिर्यादीवरून महाराष्ट्र जुगार प्रतिबंधक अधिनियम 1887 चे कलम 12 (a) अंतर्गत घाटंजी पोलीस ठाण्यात गुन्हे दाखल करण्यात आले आहे. तसेच आरोपींता कडुन मोबाईल फोन, मोपेड, मोटार सायकल, रोख रक्कम असे मिळुन 4 लाख 84 हजार 445 रुपयाचा मुद्देमाल पंचा समक्ष जप्त करण्यात आला आहे. घाटंजी पोलीस स्टेशनचे ठाणेदार तथा पोलीस निरीक्षक निलेश सुरडकर यांच्या मार्गदर्शनाखाली पोलीस उप निरीक्षक नागेश खाडे हे आपल्या पथकासह पुढील तपास करीत आहे.
घाटंजी पोलीस ठाण्यात पोलीस खब-या कडुन मिळालेल्या माहितीनुसार, मुर्ली येथील एका शेतात जुगार सुरु असल्याची गोपनीय माहिती मिळाली. त्यानुसार घाटंजी पोलीस ठाण्यातील पोलीस उप निरीक्षक नागेश खाडे यांनी आपल्या पोलीस पथकासह छापा टाकला असता, मुर्ली गावाच्या जवळ असलेल्या शिक्षण प्रसारक मंडळाच्या (घाटंजी) शेतात काही ईसम घोळका करुन पैशाची बाजी लावून एक्का बादशहा नावाचा जुगार खेळतांना दिसले. तत्पूर्वी दिनांक 1 डिसेंबर 2023 रोजी घाटंजी पोलीसांना यवतमाळचे पोलीस अधीक्षक डॉ. पवन बन्सोड यांनी अवैध धंद्यावर कारवाई करण्यात यावी, या बाबत पत्रव्यवहार केला होता, हे विशेष. त्यामुळे घाटंजी तालुक्यातील अवैध धंद्यावर कारवाई करण्यासाठी घाटंजी पोलीस स्टेशनचे ठाणेदार तथा पोलीस निरीक्षक निलेश सुरडकर यांच्या निर्देशानुसार पोलीस उप निरीक्षक नागेश खाडे यांनी स्टेशन डायरीवर नोंद करुन पोलीस नायक विनोद मेश्राम, पोलीस शिपाई अमितकुमार लोखंडे यांना घेऊन ते मुर्ली गावाजवळ असलेल्या एस. पी. एम. महाविद्यालय यांच्या नांवे असलेल्या शेतातील कोठ्या समोर असलेल्या एका झाडाच्या खाली रेड केला असता, तेथे जुगार खेळतांना 9 ईसम जागीच आढळून आले. या वेळी जुगार खेळतांना पंचासमक्ष पंचनामा करण्यात आला. आरोपींची अंगझडती घेतली असता मोबाईल फोन, मोपेड, मोटार सायकल व रोख रक्कम असा एकूण 4 लाख 84 हजार 445 रुपयाचा मुद्देमाल घाटंजी पोलीसांनी जप्त केला आहे.
यवतमाळचे पोलीस अधीक्षक डॉ. पवन बन्सोड, पांढरकवडा येथील उप विभागीय पोलीस अधिकारी रामेश्वर वैंजणे, घाटंजीचे ठाणेदार तथा पोलीस निरीक्षक निलेश सुरडकर यांच्या मार्गदर्शनाखाली पोलीस उप निरीक्षक नागेश खाडे हे आपल्या पोलीस पथकासह पुढील तपास करीत आहे. विशेष म्हणजे जुगारातील काही आरोपी हे घाटंजी येथील शिक्षण प्रसारक मंडळाच्या (SPM) विद्यालयातील शिक्षक, लिपीक, शिपाई इत्यादी असल्याचे समजते.
