संजय भोसले
तालूका प्रतिनिधी, कणकवली.
स्पर्धा परिक्षांना सामोरे जाताना अभ्यासाचे व वेळेचे योग्य नियोजन केल्यास आणि सकारात्मक पद्धतीने विचार करून मोठी स्वप्ने पाहील्यास यश निश्चित मिळते असे डाॅ. महेश अभ्यकंर यानी सांगितले.ते कणकवली शिक्षण प्रसारक मंडळाचे कणकवली कॉलेज कणकवली,व संचलित केशव प्रभा अकादमी आयोजित ,विविध प्रवेश पात्रता परीक्षा मार्गदर्शन कार्यक्रमांमध्ये प्रमुख मार्गदर्शक म्हणून बोलत होते.हा कार्यक्रम कणकवली कॉलेजच्या एच.पी.सी.एल. हॉलमध्ये 28 जुलै रोजी सकाळी 10 ते दुपारी 1.30 या वेळेत आयोजित करण्यात आला होता. या कार्यक्रमांमध्ये संस्थेच्या चेअरमन आणि कार्यक्रमाच्या अध्यक्षा डॉक्टर राजश्री साळुंखे ,विशेष विकास अधिकारी डॉक्टर संदीप साळुंखे ,यांच्या उपस्थितीमध्ये सिंधुदुर्गच्या सुपुत्र मालवण येथील व मुंबईचे प्रसिद्ध डॉक्टर आणि लोकमत चेंज मेकर 2023 अवॉर्ड प्राप्त डॉक्टर महेश अभ्यंकर .यांनी कणकवली कॉलेज येथील विज्ञान शाखेतील आणि विद्यामंदिर हायस्कूल इयत्ता दहावीच्या विद्यार्थ्यांना व पालकांना जेईई व नीट परीक्षा या संदर्भात मार्गदर्शन केले. मार्गदर्शनामध्ये डॉक्टर अभ्यंकर यांनी जेई परीक्षा व नीट परीक्षा मध्ये यशस्वी होण्यासाठी अनेक मूलमंत्र दिले .या कार्यक्रमांमध्ये एकूण अडीचशे विद्यार्थ्यांनी मार्गदर्शनाचा लाभ घेतला.सदर कार्यक्रमात प्राचार्य प्राध्यापक युवराज महालिंगे, पर्यवेक्षक प्राध्यापक ए पी चव्हाण ,विज्ञान विभागातील सर्व शिक्षक उपस्थित होते. या कार्यक्रमाचे प्रास्ताविक प्राध्यापक के जी जाधव यांनी केले. प्राध्यापक आर आर अमृते यांनी प्रमुख पाहुण्यांचा परिचय करून दिला. तर कार्यक्रमाचे सूत्रसंचालन प्राध्यापक सुषमा हरकुलकर यानी केले आणि प्राध्यापक एम के माने यांनी आभार प्रदर्शन केले.
