संजय शिंदे ग्रामीण प्रतिनिधी इंदापूर
ग्रामीण रुग्णालय भिगवण येथे दिनांक 25 फेब्रुवारी 2025 रोजी उपसंचालक राधाकिशन पवार सर, जिल्हा शल्य चिकित्सक डॉ नागनाथ यमपल्ले सर यांच्या मार्गदर्शनाखाली डॉ सूर्या दिवेकर(स्त्रीरोग तज्ञ ), डॉ अनिकेत लोखंडे, डॉ सचिन विभुते व इतर रुग्णालयीन स्टाफ यांच्या उपस्थितीत व लाभार्थी मनीषा लांडगे यांच्या हस्ते नवीन सोनोग्राफी मशीन चे उदघाटन झाले.पहिल्याच दिवशी एकूण लाभार्थ्यांची संख्या 22 होती. शासनमार्फत portable सोनोग्राफी मशीन देण्यात आलेले आहे त्या द्वारे routine सोनोग्राफी होते. गरोदरपणातील होणाऱ्या routine सोनोग्राफी मध्ये खालील पैरामिटर्स चेक केल्या जातात प्रसूतीची तारीख निश्चित करण्यासाठी गर्भावस्थेचे वय किंवा गर्भावस्थेच्या आठवड्यांची पुष्टी – गर्भाशयातील गर्भधारणा ‘ग्रॅव्हिड गर्भाशय’ किंवा एक्टोपिक गर्भधारणा म्हणजे गर्भ गर्भाशयाच्या बाहेर रोपण होणे, गर्भाच्या हृदयाचे ठोके, गर्भाची वाढ, भ्रूणांची संख्या निश्चित, बाळाभोवती असलेली नाळ, रक्तप्रवाह, वार आणि अम्नीओटिक द्रवपदार्थ, गर्भात बाळाची स्थिती (ब्रीच प्रस्तुत), बाळाच्या शरीराची वाढ, बाळाचं एकूण आरोग्य सोनोग्राफी चाचणीद्वारे निश्चित केल्या जातात.भिगवण येथील सुरु झालेल्या मोफत सोनोग्राफी मुळे गरजू व गरीब जनतेला याचा फायदा होईल व घ्यावा अशी प्रशासनाच्या वतीने सांगितले. ग्रामीण रुग्णालय भिगवण सुरु झालेल्या मोफत सोनोग्राफी मुळे नागरिकांनी समाधान व्यक्त केले आहे.
