मारोती सुर्यवंशी शहर प्रतिनिधी नरसी
नांदेड लोकसभा पोटनिवडणूक व सार्वत्रिक विधानसभेच्या निवडणुकीत मतदानाची टक्केवारी वाढवण्यासाठी 87 नांदेड दक्षिण स्वीप कक्षाच्या वतीने घेण्यात आलेल्या जिल्हास्तरीय रांगोळी आणि चित्रकला स्पर्धेस स्पर्धकांनी उदंड प्रतिसाद दिला. मल्टीपर्पज हायस्कूल नांदेड येथे झालेल्या जिल्हास्तरीय चित्रकला स्पर्धेत खतगाव ता.बिलोली येथील कलाध्यापक,बालाजी पेटेकर खतगावकर यांनी प्रथम क्रमांक पटकावला.आणि त्यानंतर झालेल्या जिल्हास्तरीय खुल्या रांगोळी स्पर्धेतही बालाजी पेटेकर खतगावकर प्रथम क्रमांक पटकावले.. या स्पर्धेचे परीक्षक म्हणून कविता जोशी मॅडम,प्रा.राजेश कुलकर्णी,संजय भालके सर यांनी काम पाहिले. सिनेकलावंत,कवी,कथाकार,चित्रकार,शिल्पकार,नाट्य कलावंत, मिमिक्री आर्टिस्ट, गायक,सुलेखनकार अशा बहुआयामी अष्टपैलू कलावंत असलेल्या बालाजी पेटेकर सर यांनी यापूर्वीही विविध जिल्हास्तरीय रांगोळी आणि चित्रकलासह इतर स्पर्धेतही अनेक प्रथम क्रमांकाची पारितोषिक पटकावली आहेत.अशा हरहुन्नरी अष्टपैलू विद्यार्थी प्रिय कलाध्यापकास एकाच वेळी मिळालेल्या या दुहेरी यशाबद्दल त्यांचे मित्र परिवार,शिक्षक,कवी.साहित्यिक व परिसरातील स्नेहीजनां तर्फे शुभेच्छांचा वर्षाव होत आहे.
