बीडमधून जयदत्त क्षीरसागर, परळीतून राजाभाऊ फड या दिग्गज उमेदवारांनी घेतली माघार
मोहन चव्हाण उपजिल्हा प्रतिनिधी बीड
बीड दि:०४ नोव्हेंबर २०२४ बीड जिल्ह्यातील सहा विधानसभा मतदारसंघातील उमेदवारी अर्ज मागे घेण्याची मुदत आज संपली आहे. यादरम्यान वैद ठरलेल्या ३७७ उमेदवारांपैकी २३८ उमेदवारांनी माघार घेतली आहे. आता सहा विधानसभा मतदारसंघांमध्ये १३९ उमेदवार निवडणुकीच्या रिंगणात कायम राहिले आहेत. आता गेवराई मतदारसंघात २१, माजलगाव मतदारसंघात ३४, बीड मतदारसंघात ३१, आष्टी मतदारसंघात १७, केज मतदारसंघात २५, परळी मतदारसंघात ११ याप्रमाणे उमेदवारी अर्ज कायम असून सहा मतदारसंघात १३९ उमेदवार आता आपले नशीब आजमावणार आहेत. उमेदवारी अर्ज माघारी घेतलेल्यांमध्ये बीड विधानसभा मतदारसंघातून माजी मंत्री जयदत्त क्षीरसागर, केज विधानसभा मतदारसंघातून संगीताताई ठोंबरे, परळी विधानसभा मतदारसंघातून राजाभाऊ फड यांच्यासह दिग्गजांचा समावेश आहे.
