प्रकाश कांबरे तालुका प्रतिनिधी हातकणंगले
हातकणंगले:- नागाव येथील चेअरमन पाणंद परिसरातील शेतामध्ये उसावर औषध फवारणी करत असताना शेतावरून गेलेली तार अंगावर पडल्याने युवकाचा जागीच मृत्यू झाला.घटनास्थळावरून मिळालेली माहिती अशी की सुनील बापू शिंदे वय वर्ष ४३, रा.कोल्हापूर हे श्री काटे यांच्या नागाव येथील शेतामध्ये ते वाटेकरी म्हणून काम करतात. शनिवारी सकाळी १०च्या सुमारास ते शेतामध्ये ऊस पिकावर औषध फवारणी करत असताना शेतावरून गेलेली तार अचानक अंगावर पडलेने विजेचा जोरदार धक्का लागून त्यांचा जागीच मृत्यू झाला.या घटनेची माहिती नागाव पोलीस पाटील बाबासो पाटील यांनी शिरोली पोलीस ठाण्यात दिली. शिरोली एमआयडीसी पोलीस ठाण्याचे कर्मचारी घटनास्थळी येऊन पंचनामा केला व मृतदेह पुढील तपासणीसाठी कोल्हापूर येथील सीपीआर येथे पाठवण्यात आला.या घटनेची फिर्याद शरद पाटील यांनी दिली आहे.महावितरण अधिकारी किरण तरडे हे कर्मचाऱ्यासह घटनास्थळी दाखल झाले. यावेळी शेतकऱ्यांचा रोष अनावर झाला त्यामुळे महावितरणच्या कामकाजा विषयी मोठा असंतोष निर्माण झाला.मृतदेह पाहण्यासाठी घटनास्थळी शेतकऱ्यांनी मोठी गर्दी केली.या घटनेमुळे नागाव मध्ये सर्वत्र हळहळ व्यक्त करण्यात आली.
