पंकज चौधरी
तालुका प्रतिनिधी रामटेक
रामटेक तालुक्यातील भिल्लेवाडा ग्रामपंचायत ही आपल्या केलेल्या नाविन्यपूर्ण उपक्रमाने नेहमीच चर्चेत येत असते,अशाच एका नवीन उपक्रमाने ही ग्रामपंचायतीचा कौतुक अनेकांच्या मुखातून बघायला मिळत असून सगळीकडे त्यांच्या केलेल्या कार्याची प्रशंसा होत आहे.
यात ग्रामपंचायतीचे सरपंच,उपसरपंच, कर्मचारी,आशा सेविका,ग्रामसेवक,शाळेच्या शिक्षिका,विद्यार्थी व गावकऱ्यांनी मिळून श्रमदानाने गावाशेजारील पुलामध्ये बंधारा तयार करून पाणी अडविण्यात आले.हा बंधारा उन्हाळ्यात गावकऱ्यांना पाण्याची टंचाई भासू नये या दृष्टिकोनातून तयार करण्यात आले.ग्रामपंचायतीमधील सर्व पदाधिकारी,कर्मचारी,ग्रामसेवक,आशा सेविका,शिक्षिका व विद्यार्थी यांनी विशेष पुढाकार घेत श्रमदानातून बंधारा तयार केल्याने सर्वत्र चर्चेचा विषय बनला आहे.या ग्रामपंचायतीचा आदर्श प्रत्येक ग्रामपंचायतीने घ्यावा असे हे अभिमानास्पद कार्य आहे.
यामध्ये प्रामुख्याने सरपंच उमाताई ढोक,उपसरपंच गोपीचंद खडसे,सदस्या सुनीता तुरणकर,रत्नमाला निमरड,दुर्गा चुधरी,दुर्गा ढोके,प्रतिमा तिवाडे, ग्रामसेवक कांबळे,आशा सेविका,शिक्षिका,विद्यार्थी तसेच ग्रा.पं. कर्मचारी यांनी विशेष श्रमदान केले.
