बडूर गणातून बालाजी यलगंदरे आश्वासक चेहरा
सुरेश वाघमारे ग्रामीण प्रतिनिधी बिलोली
बिलोली – तालुक्यातील दौलापूर येथील रहिवासी तथा सामाजिक कार्यकर्ते बालाजी यलगंदरे हे बिलोली पंचायत समितीच्या बडूर गणातून भाजपातर्फे निवडणूक लढविण्यासाठी इच्छूक असून त्यांनी आतापासूनच मतदारांच्या भेटीगाठी घेऊन या भागाचे प्रश्न सोडविण्यासाठी आपण प्रयत्नशील असून आपल्याला भारतीय जनता पक्षाने उमेदवारी दिल्यास आपण बडूर गणातून निवडणूकीच्या रिंगणात उतरणार असल्याचे त्यांनी जाहीर केले आहे. बालाजी यलगंदरे ह्यांनी गेल्या १० वर्षांपासून बिलोली तालुक्यातील सामाजिक राजकिय क्षेत्रात वावरताना अनेक चळवळी आणि विधायक आंदोलनाशी स्वतःला जोडून घेतलेले आहे. अनेक सामाजिक समस्या सोडविण्यासाठी ते नेहमीच आग्रही राहीलेले आहेत. त्यांनी समाजीतील अपंग,कष्टकरी ,महिला , शेतकरी , शेतमजूर यांना तहसिल कार्यालय वा इतर कार्यालयात कामानिमित्त येत असलेल्या विविध अडचणी प्रशासनाशी झगडून त्या तत्परतेने सोडवलेल्या आहेत. इतकेच नाही तर महा ई सेवा केंद्राच्या माध्यमातून शाळा महाविद्यालयीन विद्यार्थ्यांना वेळेत शैक्षणिक कागदपत्रे कागदपत्रे काढून देण्यातही त्यांचे मोलाचे योगदान राहीलेले आहे. त्यांच्या या कार्याची दखल घेऊन त्यांना गावातील जनतेने ग्रामपंचायत सदस्य म्हणून बिनविरोध निवड केली आहे. ग्रामपंचायत सदस्य म्हणून बिनविरोध निवडून आल्यानंतर त्यांनी ३ वर्षांपासून रखडलेल्या बिलोली तालुक्यातील सर्व ग्रामपंचायत सदस्यांचे मानधन मिळवून देण्यासाठी प्रयत्न केले व त्यात यश येऊन हे मानधन सदस्यांना मिळाले. तसेच मनरेगा, प्रधानमंत्री आवास योजना यांसारख्या योजनांच्या लाभार्थ्यांच्या पंचायत समिती स्तरावरील अडचणी त्यांनी प्रशासनाशी समन्वय साधून प्रसंगी प्रशासनाशी झगडून सोडवण्याची भूमीका ठेवलेली आहे. एवढेच नाही तर बिहारमधून बेपत्ता झालेल्या व बिलोलीत वेडसर म्हणून फिरणाऱ्या इसमाची त्यांनी त्यांच्या घरच्यांशी संपर्क साधून अनोखी भेट घडवून दिली होती. ह्या सर्व कार्यांचा विचार करून आपल्याला भारतीय जनता पक्षाने बडूर गणातून उमेदवारी दिल्यास आपण ही निवडणूक ताकतीने लढवू अशी अपेक्षा त्यांनी यावेळी बोलताना व्यक्त केली आहे.
