व्येकटेश चालुरकर
तालुका प्रतिनिधि अहेरी
अहेरी सिरोंचा ख्रिसमस (नाताळ) सणानिमित्त माजी जि प अध्यक्ष भाग्यश्री ताई आत्राम यांनी सिरोंचा तालुका मुख्यालयातील ख्रिश्चन बांधवांच्या घरी भेट देऊन केक वाटप करत शुभेच्छा दिले.
ख्रिश्चन बांधवांसाठी ख्रिसमस (नाताळ) हा सण महत्त्वाचा असून दरवर्षी २५ डिसेंबरला साजरा केला जातो. जगभरात प्रभू येशूचा जन्मदिवस म्हणून हा दिवस साजरा केला जातो. युरोपियन देशात या दिवसाचं औचित्य साधत शोभायात्रा काढल्या जातात. यातून प्रभू येशूंची जीवनकार्य दाखवलं जातं. हा सण ख्रिस्ती धर्मियांसोबत इतर धर्माचे लोकही साजरा करतात. या सणाबद्दल लहान मुलांमध्ये सर्वाधिक उत्साह दिसून येतो. महिनोंमहिने या दिवसाची मुलं आतुरतेने वाट पाहात असतात. या दिवशी सांता क्लॉज मुलांना भेटवस्तू देतात, अशी मान्यता आहे. पालक त्या रुपाने मुलांना भेटवस्तू देत असतात.याचेच औचित्य साधून माजी जि प अध्यक्ष तथा सिनेट सदस्य भाग्यश्री ताई आत्राम यांनी सिरोंचा शहरातील ख्रिस्ती धर्मीय बांधवांच्या प्रत्येक घरी भेट देत त्यांच्यासोबत नाताळ सण साजरा करत केक आणि गोड पदार्थ भेट देऊन नाताळ सणानिमित्त शुभेच्छा दिले.यावेळी राष्ट्रवादी युवक काँग्रेसचे तालुका अध्यक्ष एम.डी. शानु,सपना मुरकुटे,लोकेश मुरकुटे, श्रीनिवास सर आदी उपस्थित होते.
