सेवा निवृत्त सनदी अधिकारी इ.झेड. खोब्रागडे यांची राहणार उपस्थिती
सौ.निलिमा बंडमवार
उपजिल्हा प्रतिनिधी गडचिरोली.
गडचिरोली – संविधान फाउंडेशन नागपूर व आरक्षण हक्क कृती समिती अहेरी यांच्या संयुक्त विद्यमाने भारतीय संविधान- साहित्य संम्मेलन आयोजन समिती तालुका अहेरीच्या वतीने संविधानीक मूल्यांचा जागर करण्यासाठी येथील इंडियन फंक्शन हॉल मध्ये रविवार 28 नोव्हेंबर रोजी भारतीय संविधान-साहित्य संम्मेलनाचे आयोजन करण्यात आले आहे.सकाळी 10:30 वाजता कार्यक्रमाचे शुभारंभ होणार असून यासाठी सेवा निवृत्त सनदी अधिकारी तथा संविधानाचे गाढे अभ्यासक इ. झेड. खोब्रागडे अध्यक्षस्थानी असणार आहेत. उदघाटक अहेरीचे सहाय्यक जिल्हाधिकारी तथा उपविभागीय अधिकारी अंकित करणार असून प्रमुख अतिथी म्हणून आलापल्ली उपविभागीय वन संरक्षक राहुल सिंह टोलिया,भामरागडचे उपवनसंरक्षक आशिष पांडे गडचिरोलीचे उपमुख्य कार्यकारी अधिकारी फनिंद्र कुत्तीरकर, उपविभागीय वन अधिकारी नितेश देवगडे,ज्येष्ठ सामाजिक कार्यकर्ते रोहिदास राऊत,संविधान फाउंडेशन नागपूरचे दीपक निरंजन,प्राचार्य डॉ.महेंद्रकुमार मेश्राम,रेखा खोब्रागडे, साहित्यिक कुसुमताई आलाम असणार आहेत.दुपारी 12:30 ते 3:15 वाजता पर्यंत दुसरे सत्रात संविधानावर आधारित विविध विषयांवर संविधान प्रबोधन असून अध्यक्षस्थानी बबलू भैय्या हकीम असणार आहेत. प्रमुख वक्ते म्हणून प्रा. डॉ. सुरेश डोहाणे गडचिरोली,लालसू नागोटी जि.प.सदस्य भामरागड, डॉ.महेंद्र कुमार मेश्राम नागपूर, अँड.उदयप्रकाश गलबले अहेरी हे मार्गदर्शन करणार आहेत.समारोपीय सत्रात सायंकाळी 5:00 वाजता अहेरीचे तहसीलदार ओंकार ओतारी,अहेरी उपविभागीय पोलीस अधिकारी अमोल ठाकूर,पोलीस निरीक्षक श्याम गव्हाणे,डॉ.कन्ना मडावी,वनपरिक्षेत्र अधिकारी योगेश शेरेकर,सेवानिवृत्त तहसीलदार सत्यनारायण सिलमवार,तालुका आरोग्य अधिकारी डॉ.किरण वानखेडे,अन्न पुरवठा अधिकारी शिल्पा दरेकर आदी मान्यवर उपस्थित रहाणार आहेत.विशेष व उल्लेखनीय म्हणजे मनोरंजन प्रबोधनातून स्नेहा चालूरकर व त्यांचा संच एकपात्री प्रयोग सादरीकरण करणार असून खुली चर्चा सत्रात थेट विचारलेल्या प्रश्नांचे उत्तरे देण्यात येणार आहे.संविधानावर आधारित वेगवेगळ्या पैल्लूवर परिसंवाद,चर्चासत्र असे एकंदरीत भरगच्च प्रबोधनात्मक कार्यक्रमाचे आयोजन करण्यात आले असून मोठ्या संख्यने उपस्थित राहण्याचे आवाहन संविधान साहित्य संमेलन समितीचे मुख्य प्रवर्तक गौतम मेश्राम यांनी पत्रकाद्वारे केले आहे.
