किरण कुमार निमकंडे
जिल्हा प्रतिनिधी अकोला
पातूर : तालुक्यातील पातूर शहरापासून अंदाजे 15 किमी अंतरावर असलेल्या धोदानी धबधबा येथील डोहात एका युवकाचा बुडून करून अंत झाल्याची घटना घडली आहे. पातूर तालुक्यातील अकोला-वाशीम रोडपासून गोंधळवाडी फाट्यापासून अंदाजे 6 किमी अंतरावर असलेल्या धोदानी धबधबा येथे पर्यटक मोठ्या संख्येने येत असतात. आज रोजी अकोला येथील तेलगोटे परिवार देखील इतर पर्यटकांप्रमाणे धोदानी धबधबा येथे आले.त्यांनी इथे आल्यावर हौशीने फोटो काढले,निसर्गाचा आनंद घेतला व जेवण करून घरी परत निघाले होते,पण काळाला काही औरच मंजूर होते.तेलगोटे परिवारातील एक युवक आपल्या परिवारासोबत घरी परतत असतांना आपल्या मामाला गरमी होत असल्यामुळे तोंडावर पाणी मारतो असे सांगून धबधब्याच्या काठावर तोंड धुण्यासाठी गेला असता तोल जाऊन डोहात पडला व खाली असलेल्या खडकावर आढळल्याने त्याचा मृत्यू झाल्याचे प्रत्यक्षदर्शी सांगत आहेत. सदर युवक डोहात पडल्यावर सुमारे 20 मिनिटं होऊन सुद्धा वर आला नसल्याने स्थानिक युवकांनी शोध घेणे सुरू केले असता तब्बल चार तासांनंतर सदर युवकाचा मृतदेह बाहेर काढण्यात स्थानिकांना यश आले. तब्बल चार तासांच्या शोधानंतर प्रज्वल उर्फ चिकू यशवंत तेलगोटे (वय अंदाजे 24) रा.कमला नगर,बायपास अकोला याचा मृतदेह बाहेर काढनण्यात आला.पातूर पोलिसांनी सदर घटनेचा पंचनामा करून मृतदेह उत्तरीय तपासणी करिता सर्वोपचार रुग्णालय अकोला येथे पाठविला असून पुढील तपास पातूर पोलीस करीत आहेत.
