महेश निमसटकर
तालुका प्रतिनिधि भद्रावती
भद्रावती : अचानक लागलेल्या आगीत घरातील सामान जळून खाक झालेल्या भद्रावती तालुक्यातील टाकळी गावातील एका कुटुंबाला केंद्रीय मानवाधिकार संघटनेचे विदर्भ प्रदेश अध्यक्ष, गुरुदेव प्रचारक, समाजसेवक तथा कोरोना योद्धा डॉ. अंकुश आगलावे यांनी मदतीचा हात दिला आहे.तालुक्यातील टाकळी या गावात गोकुळ झिबला दानव यांच्या घरी दि.३० जून रोजी अचानक आग लागली. आगीचे कारण अद्यापही समजले नसून आग इतकी भयंकर होती की दानव यांचे घराचे संपूर्ण साहित्य आगीत जळून खाक झाले. त्यात टी.व्ही, फ्रीज व इतर मौल्यवान साहित्य यांचा समावेश आहे. या घटनेची माहिती डॉ. अंकुश आगलावे यांना मिळताच ते टाकळी येथे दाखल झाले. लगेच त्यांनी भद्रावतीचे तहसीलदार यांना भ्रमणध्वनीवरून घटनेची माहिती दिली. तहसीलदारांनी लगेच संबंधित तलाठी यांना मोक्का चौकशी करून पंचनामा करण्यास सांगितले. विद्युत महावितरण कंपनीलासुद्धा डॉ.आगलावे यांनी चौकशी करायला सांगितले. यावेळी सामाजिक बांधिलकी जोपासत डॉ. आगलावे यांनी स्वतः कडून दानव कुटुंबियांना तात्काळ पाच हजार रुपयांची मदत दिली. तसेच शासनाकडून भरीव आर्थिक मदत मिळण्यासाठी पाठपुरावा करणार असल्याचे डॉ. आगलावे यांनी सांगितले.दानव कुटुंबियातील कर्ता पुरूष मोलमजुरी करून आपले उदरनिर्वाह करतो. त्यातच कुटुंबियांची पालनपोषणाची व मुलांच्या शिक्षणाची जवाबदारी त्यांच्यावर आहे. मोलमजुरी करणा-या दानव कुटुंबियांचे छत्र हरविले असल्याने ते कुटुंब आर्थिक संकटात सापडले आहे. यावेळी टाकळी गावातील नागरिक प्रभाकर मत्ते, निळकंठ दानव, शंकर खंडाळकर, बाबा बलकी, राजु आसेकर, राहुल बलकी, सचिन ढेंगळे, केशव देऊळकर, विक्रम पेटकर, मोरेकांत लेडाजे, मारोती खाडे, करण मत्ते व गावातील ज्येष्ठ नागरिक, गुरूदेव प्रचारक, केंद्रीय मानवाधिकार संगठनचे पदाधिकारी उपस्थित होते.
