महेश निमसटकर
तालुका प्रतिनिधि भद्रावती
भद्रावती : च॑द्रपुर जिल्ह्यातच नव्हे तर संपूर्ण महाराष्ट्रात प्रसिद्ध असलेल्या भद्रावती येथील श्री भद्रनाग देवस्थान म॑दिर तर्फे महाशिवरात्री यात्रा महोत्सवा निमित्त दिनांक 1 मार्च ते 6 मार्च 2022 पर्यंत विविध धार्मिक कार्यक्रमांचे आयोजन करण्यात आले आहे. शिवरात्रीच्या पूर्व रात्रीला 11 वाजता विश्वस्त मंडळातर्फे सामुहिक अभिषेक करुन यात्रा महोत्सवाला सुरुवात करण्यात आली. त्यानंतर मंगळवारी सकाळी 6 वाजतापासूनच भाविकांनी दर्शनासाठी मंदिरात रांग लावली. यावेळी कोरोना नियमांचे काटेकोर पालन करण्यात आले. सलग दोन वर्षे भद्रावतीकर आणि परिसरातील भाविकांना महाशिवरात्रीला भद्रनाग स्वामींचे दर्शन घेता आले नाही. महाशिवरात्री महोत्सवानिमित्य मंदिरावर आकर्षक विद्युत रोषणाई करण्यात आली आहे. ध्वनीक्षेपकावरुन महादेवाची गाणी सतत सुरू असल्याने मंदीर परिसरात शिवभक्तीमय वातावरण निर्माण झाले आहे. मंदिर परिसरात पूजेचे साहित्य, खेळण्या, उपासाचे पदार्थ, फळे यांची दुकाने लावण्यात आली होती. यावेळी ठाणेदार गोपाल भारती यांच्या नेतृत्वात चोख पोलिस बंदोबस्त ठेवण्यात आला होता.दिनांक 2 मार्च ते 5 मार्च पर्यंत सायं काळी 6.30 ते 9 पर्यंत नागपूर येथील ह.भ.प. मृन्यमी अमर कुळकर्णी यांचे किर्तन होणार आहे.त्या न॑तर दिनांक 6 मार्च रोज रविवारी ला सकाळी 8.30 वाजता भद्रनाग देवस्थान म॑दिर येथुन श्री भद्रनाग स्वामींच्या प्रतिमेची भव्य शोभायात्रा शहरातील मुख्य काढण्यात येणार आहे. गोपाल काला न॑तर महाप्रसादाचे वितरण करण्यात येणार आहे . भाविकांनी या कार्यक्रमाचा लाभ घेता॑ना कोरोना नियमा॑चे पालन करावे असे आवाहन श्री भद्रनाग देवस्थान म॑दिर चे अध्यक्ष डॉ रमेश मिलमिले, कोषाध्यक्ष प्रकाश पा॑मपट्टीवार, एन.के. एकरे, योगेश पा॑डे, मधुकर सहारे, राजेश पांडे यांनी केले आहे.
