महेश निमसटकर
तालुका प्रतिनिधि भद्रावती
भद्रावती,दि.4:-भद्रावती परिसरात अवैधरित्या गौण खनिजांची तस्करी करणाऱ्यांचे प्रमाण वाढले असून १० लाखांचा मुद्देमाल जप्त करून आरोपींना जेरबंद करण्यात भद्रावती पोलिसांना यश आले आहे.पोलिस सुत्रांकडून मिळालेल्या माहितीनुसार, दि.२ डिसेंबर रोजी सकाळी भद्रावती पोलीस ठाण्याचे पोलिस निरीक्षक गोपाल भारती यांना पेट्रोलिंग दरम्यान भद्रावती टप्पा ते गांधी चौक रस्त्याने १० चाकी हायवा ट्रक मधुन अवैध चोरीची लाल मुरूम मातीची वाहतुक करण्यात येणार आहे. अशी गोपनीय माहिती मिळाली. त्याप्रमाणे पोलिस निरीक्षक गोपाल भारती हे घटनेचे गांभीर्य लक्षात घेऊन ताबडतोब स्टाफसह रवाना झाले . परिसरामध्ये सदर वाहनाचा कसोशिने शोध घेतला असता सकाळी ११.३५ वाजण्याच्या सुमारास गांधी चौक येथे एक दहा चाकी हायवा ट्रक क्रमांक एम . एच ३४ ए . बी . ७६६७ यामध्ये अवैधरीत्या लाल मुरूम माती भरून येत असतांना मिळुन आल्याने लागलीच दोन पंचाना घटनास्थळी बोलावुन सदर वाहनाच्या चालकास त्याचे नाव पत्ता विचारले असता त्याने आपले नाव परशुराम किसन माथनकर , वय २८ वर्ष , धंदा चालक , रा . विजासन , नेताजी चौक , भद्रावती असे सांगीतले . त्यास त्याचे मालकाबाबत विचारणा केली असता त्याने मालकाचे नाव सुभान सौदागर , रा . भंगाराम वार्ड , भद्रावती असे सांगितले . सदर वाहनात काय आहे ? वैगरे बाबत वाहन चालकास विचारणा केली असता वाहन चालकाने गाडीमध्ये मानोरा शिवारामधुन सुभान सौदागर यांच्या सांगण्यावरून लाल मुरूम माती अवैधरित्या चोरून आणल्याचे सांगीतले . त्यानंतर सदर वाहनाची पंचासमक्ष पाहणी केली असता सदर वाहनामध्ये अंदाचे ५ ब्रास लाल मुरूम माती असल्याचे दिसून आले . सदर वाहन चालकाला मुरूम माती वाहतुकीचा टि.पी. परवाना , रॉयल्टी वा इतर कोणताही तत्सम परवाना आहे काय ? बाबत विचारणा केली असता त्याने कोणताही परवाना नसल्याचे सांगुन सदरची मुरूम माती ही मालक सुभान सौदागर यांचे सांगण्यावरूनच अवैधरित्या चोरून आणल्याचे सांगीतले.पोलिसांनी आरोपीकडून २० हजार रूपये किंमतीची अंदाजे ५ ब्रास लाल मुरूम माती, १० लाख रूपये किंमतीचा १० चाकी हायवा ट्रक, सफेद रंगाची कॅबीन असलेला हायड्रोलीक जॅक असा एकुण १० लाख २० हजार रूपये किंमतीचा मुद्देमाल जप्त करण्यात आलेला असुन नमुद आरोपी विरुद्ध भद्रावती पोलीस ठाण्यात भादंवि कलम ३७९ , १०९ प्रमाणे गुन्हा दाखल करण्यात आला आहे. सदर गुन्हयामध्ये आरोपी परशुराम किसन माथनकर (२८) यास अटक करण्यात आली आहे. आरोपी सुभान सौदागर , रा – भंगार वार्ड , भद्रावती याचा शोध पोलिस घेत आहे . सदरची कामगिरी पोलीस अधिक्षक अरविंद साळवे, अप्पर पोलीस अधिक्षक अतुल कुलकर्णी, उपविभागिय पोलीस अधिकारी सुधिर नंदनवार यांच्या मार्गदर्शनाखाली भद्रावती पोलीस ठाण्याचे पोलीस निरीक्षक गोपाल भारती, सहा. पोलीस निरीक्षक व्ही. डी. मुळे, पो.ह. विश्वनाथ चुदरी, जगदिश झाडे , रोहित चिटगिरे , विजय उपरे यांनी केली.
