महेश निमसटकर
तालुका प्रतिनिधि भद्रावती
भद्रावती,दि.७:-गोंडवाना विद्यापीठाचे प्रतिनिधीत्व करत येथील विवेकानंद कला व वाणिज्य महाविद्यालयाच्या खेळाडूंनी जयपूर येथील जगन्नाथ विद्यापीठात आयोजित अखिल
भारतीय आंतर विद्यापीठ वुडबॉल स्पर्धेत उत्कृष्ट कामगिरी करत सुवर्ण पदक पटकावले. शुभांगी भोस्कर आणि गुलाबशाह सय्यद असे या यश संपादन करणा-या खेळाडूंची नावे आहेत. त्यांनी स्ट्रोक इव्हेंट मध्ये सांघिक सुवर्णपदक पटकावले.या विजयी खेळाडूंचे विवेकानंद ज्ञानपीठ (कॉन्व्हेंट), वरोराचे अध्यक्ष मोरेश्वरराव टेंमुर्डे, सचिव अमन टेंमुर्डे, महाविद्यालयाचे प्राचार्य डॉ. नामदेव उमाटे, शारीरिक शिक्षण आणि क्रीडा विभाग प्रमुख प्रा. संगिताआर.बांबोडे, डॉ. टोंगे, डॉ. तितरे, डॉ. आस्टुनकर आणि महाविद्यालयातील समस्त शिक्षक व शिक्षकेत्तर कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.
