योगेश्वर शेंडे
उपजिल्हा प्रतिनिधी,चंद्रपूर
चंद्रपूर – ग्रामीण भागात घरी गॅस जोडणी नसल्यामुळे जंगल शेजारी राहणारे ग्रामस्थ जंगलातील वृक्ष तोडून त्याचा स्वयंपाक व सरपणाकरिता सर्रासपणे वापर करतात.त्यामुळे जंगलातील मौल्यवान वृक्षांची कत्तल होते. ही बाब लक्षात घेऊन पळसगांव येथील वनव्यवस्थापन समिती वनविभागा कडून गॅस सिलिंडरसाठी अनुदान देण्याचा निर्णय घेतला गेला होता. यामुळे जंगलाची वृक्षतोड होणार नाही, मौल्यवान झाडे नष्ट होणार नाही, या अपेक्षेने वनव्यवस्थापन समिती वन विभागाने ही महत्वपूर्ण योजना आखली आहे़. पळसगांव येथील गरीब कुटुंबांना वनव्यवस्थापन समिती पळसगांवच्या वनविभागतर्फे मोफत गॅस कनेक्शनचे वितरण करण्यात आले.पळसगांव वनविभागाचे वनपरिक्षेत्र अधिकारी आर.एन.थेमस्कर, यांच्या हस्ते आज दिनांक ३० जुलै ला सकाळी ११ वाजता ग्राम पंचायत चा पटांगणात आज वाटप करण्यात आले या वेळी, वनपरिक्षेत्र अधिकारी आर.एन.ठेमकर, सरिता गुरनुले सरपंच,प्रभाकर गजभिये ग्राम पंचायत सदस्य, हाफिज शेख ग्राम पंचायत सदस्य, गेडाम वनरक्षक, कैलास गायकवाड, भक्तदास कोहचाडे व वनविभागतील कर्मचारी यांच्या उपस्थितीत गॅस कीटचे वितरण करण्यात आले.
