संजय डोंगरे
ग्रामीण प्रतिनिधी माना
माना: शासनाच्या विविध कृषी संलग्न योजनांचा लाभ पात्र शेतकऱ्यांपर्यंत जलद गतीने व अधिक प्रभावीपणे पोचविण्यासाठी ॲग्री स्टॅक योजनेअंतर्गत शेतकऱ्यांना शेतकरी ओळख क्रमांक दिला जात आहे. जिल्ह्यातील जास्तीत जास्त शेतकऱ्यांनी लवकरात लवकर नजीकच्या नागरिक सुविधा केंद्रावर ( सीएससी सेंटर ) अर्थात सेतू केंद्रावर शेतकरी ओळख क्रमांक प्राप्त करून घ्यावे असे आवाहन तलाठी मॅडम व ग्रामपंचायत प्रशासनाने केले आहे. या योजनेची अंमलबजावणी सुरू झाली आहे. या योजनेद्वारे शेतकरी माहिती संच तयार करून प्रत्येक शेतकऱ्याला शेतकरी ओळख क्रमांक ( फार्मर आयडी) दिला जाणार आहे. आतापर्यंत अनेक शेतकऱ्यांनी शेतकरी ओळख क्रमांक व प्रमाणपत्र प्राप्त केले आहे. या योजनेअंतर्गत शेतकऱ्यांनी नोंदणी केल्यास, पिक विमा, पिक कर्ज,पीएम किसान सन्मान निधी,आणि विविध सरकारी अनुदान योजना चा लाभ मिळू शकतो. या आयडी च्या मदतीने शेतकऱ्यांना वारंवार प्रमाणीकरण ( E KYC) करण्याची गरज राहणार नाही. फार्मर आयडी साठी आवश्यक कागदपत्रे पुढीलप्रमाणे लागतात. आधार कार्ड, आधारशी व बँक खात्याशी लिंक असलेला मोबाईल क्रमांक, सातबारा उतारा, नमुना आठ अ, हे सर्व कागदपत्र घेऊन शेतकऱ्यांनी नजीकच्या सेतू केंद्रावर जाऊन नोंदणी करावी. या संधीचा लाभ जास्तीत जास्त शेतकऱ्यांनी घ्यावा असे महसूल प्रशासनातर्फे आव्हान करण्यात आले आहे.
