प्रशांत मुनेश्वर
शहर प्रतिनिधी नांदेड
महाराष्ट्र विधानसभा निवडणूक 2024 च्या प्रचारासाठी अत्यंत कमी कालावधी राहिलेला असताना नांदेड उत्तर मतदार संघातील सर्वच उमेदवार प्रचारात मग्न दिसून येत आहेत. नांदेड उत्तर मतदार संघामध्ये शिंदे गटाकडून विद्यमान आमदार बालाजी कल्याणकर, काँग्रेस पक्षाकडून अब्दुल सत्तार, शिवसेना गट उद्धव ठाकरे गटाकडून संगीता डक, वंचित बहुजन आघाडी कडून अभियंता प्रशांत इंगोले व अपक्ष उमेदवार मिलिंद देशमुख या प्रमुख उमेदवारात लढत होणार असून सर्वच उमेदवारांनी आपणच जिंकणार असल्याचा विश्वास व्यक्त केला आहे. जस जशी मतदानाची तारीख जवळ येत आहे, तसतसे सर्वच उमेदवार हे कॉर्नर बैठका, गाव बैठका, विविध सणसमारंभ व धार्मिक कार्यक्रमात उपस्थित राहून मतदानासाठी जनतेचा आशीर्वाद घेत आहेत.
