सुदर्शन मंडले
ग्रामीण प्रतिनिधी जुन्नर
आळेफाटा ता. ८ कल्याण -अहिल्यानगर हायवेवर आळे (ता. जुन्नर ) गावच्या हद्दीत आळे बसस्थानकाजवळ रात्री ७:००एका अनोळखी वाहनाच्या धडकेने एका दुचाकी स्वराला चिरडल्याने त्याचा जागीच मृत्यू झाला.
या अपघातात मृत्यूमुखी पडलेला तरुण हा बेल्हे येथील असून बाळू खंडू शितोळे (वय ४०) रा. बेल्हे,कुरुंदमळा ता. जुन्नर असे आहे. मृत व्यक्ती हा त्यांच्या मोटारसायकल (एम.एच १४. केई ३९५४)यावरून कल्याण-अहिल्यानगर महामार्गावरून आळेफाट्या कडून बेल्हे याठिकाणी घरी परतत असताना समोरून आलेल्या अज्ञात वाहनाने दुचाकीला जोरदार धडक दिली. मोटारसायकल वरून घसरून पडल्यावर बाळू शितोळे हे त्या वाहनाखाली आले. त्याला चिरडून वाहन चालकाने वाहनासह पलायन केले.
