योगेश्वर शेंडे
उपजिल्हा प्रतिनिधी, चंद्रपूर
चंद्रपूर (१२ जुलै)- मानवाधिकार सहायता संस्थान चंद्रपूर जिल्हा कार्यकारणीची पहिली बैठक दिनांक 11जूलै रोजी चंद्रपूर येथील शासकीय विश्रामगृहात उत्साहाच्या वातावरणात पार पडली. बैठकीच्या अध्यक्षस्थानी मानवाधिकार सहायता संस्थान महाराष्ट्र प्रदेश महासचिव रवि धारणे होते.तर प्रमुख पाहुणे म्हणून जिल्हाध्यक्ष विनायक गरमडे, जिल्हा प्रमुख अमोल बदखल, अशोक पडगीलवार, आदी मान्यवर म॑चावर उपस्थित होते. सर्व प्रथम पाहुण्यांचा परिचय व जिल्हा कार्यकारणीच्या पदाधिकारी यांचे पूष्प गुच्छ देवुन स्वागत केले. त्यानंतर प्रास्ताविकात प्रा.अनील गर्गलवार यांनी प्रास्ताविकातून मानवाधिकार सहायता संस्थानची माहिती देवून पदाधिकारी यांनी कशाप्रकारे कार्य करावे याबाबत अधिक माहिती देवून उदाहरणद्वारे समजावून सांगितले. त्यानंतर प्रदेश महासचिव रवि धारणे, जिल्हा अध्यक्ष विनायक गरमडे, जिल्हा प्रमुख अमोल बदखल,ऍड. अशोक बावणे, यांनी उपस्थित पदाधिकारी यांना मार्गदर्शन केले. कार्यक्रमाचे सुत्र संचालन व प्रास्ताविक प्रा. अनिल गर्गलवार यांनी केले तर आभार प्रदर्शन अशोक पडगीलवार यांनी केले. बैठकीला संतोष क्षिरसागर, अशोक जथाडे,दुशांत लाटेलवार, गजानन कासर्लेवार, अणूताई निलमवार, सौ.बदखल ताई, अफ्रोज पठाण, सुनील दैदावार, आदी उपस्थित होते.
